215 216
ende getrouwe Hjefhebber onser kercken,
bij de selve angewant ende bewesen, twe
graven ofte graff plaetsen op idt Goer in
onse kerck naest den anderen liggende,
voor die gestuelten ofte mans stoelen noert
wert aen nae die garff Camer, in welcke
ene graff wijlen Jonckheer Gerreth van
Scherpenseell ter eerden bestaet und be
graven leijt, ende dat volgens gemelten
Jonckheer Adriaen van Vorstenburch Jouf
frouw Gerarda van Scherpenseell eheluijden
ende oren erven de selve voorn, twe graff
steden voert strackx sullen aenvangen ende
mit zarricken ofte anders doen beleggen
entweder bedecken op alles naer oer beliven,
ende dit vur een somme van penningen in
desen onbenoempt, daer wij kerck meisteren
vursz. in name ende van wegen onse vursz.
kerck allet tot onsen wille ende contente
ment well van vernuecht, voldaen ende be
taelt sijn den lesten penninck mitten eersten
sulcx dat wij bekennen bij desen vur ons
ende onse naecomelingen, dat gedachte
Joncker Vorstenburch sijn Ed. lieve huis
frouwe ende oren erven (:om redenen boven
verhaelt:) ewelick ende erffelick tot die
selve twe voorn, graff plaetsen geeijgent
ende gerechticht wesen ende blijven sullen
sonder ijmants contradictie ofte wederseggen,
sonder argelistin oerkondt hebben wij kerck
meisteren vurs. mit die voorn. Ampts Jonck
heren und Scholtis, elck onse zegel aen desen
apenen brieve gehangen ende d' selve mede
onderteickent. Gfesehiet binnen derNijckerck
opten XIIII6n dach Novembris des Jaers ses
tienhondert und seven, ende was ondertei
ckent: Aernt ten Hoeff, Loech Gerretsz,
Nicolaus van Delen, Carolus Bentinck, G.
van Ourler, ende bezegelt met vijff uuijt
hangende zegelen van gronen wassche in
dubbelde fransschijnen starten.
Wij, Aernt ten Hoefï ende Loech Gerritsz,
in der tijt kerckmeijnsteren binnen der Nij
ckerck, doen kondt ende bekennen mits desen
vur ons ende onse naecomelingen, dat wij mit
advijs van die Edele ende Erentfeste Adri
aen van Vorstenburch ende Nicolaes van
Delen, zampt Goessen van Gorler, respective
Jonckheren und Scholtis des Ampts Nijckerck,
erffelick ende ewelick vercoft ende over
gegeven hebben, vercopen ende geven over
in ende vermits desen, die oeck Edele ende
Erentfeste Jonckheer Carell Bentinck ende
Jouffrouwe Anthonia van Delen, sijn Ed.
lieve huisfrouwe, ende oren erven, ten res
pecte ende in aensieninge van sekere wel
daet ende mannelicke getrouwicheijt, die
gedachte Bentinck als een vrom Adelick
voorstender und oprecht getrouw lijefïhebber
onser kercken bij d' selve aengewant und
bewesen, twe graeffen ofte graff plaetsen op
idt Coer in onse kerck naest den anderen
liggende voor die gestuelten ofte mans stoe
len, zuijtwert nae de Cappell aen, in welcke
ene graff sijnen zal. vader, Jonckheer Wil
helm Bentinck, begraven leijt ende dat vol
gens gemelte Bentinck oder densinen d'selve
voorn, twe graff steden nu voert strackx sall
aenvangen ende mit zarricken ofte anders
doen beleggen ende bedecken op alles nae
sijn beliven, ende dit vur een somme van
penningen in desen onbenoempt, daer wij
kerckmeisteren vurs. van wegen onse vurs.
kerck allet tot onsen contentement well van
vernuecht voldaen ende betaelt zijn den les
ten penninck mitten eersten sulckx, dat wij
bekennen bij desen vur ons ende onse nae
comelingen, dat d'voorn. Joncker Carell Ben
tinck, sijn Ed. lieve huisfrouwe ende oren
erven (:om redenen boven verhaelt:) ewelick
ende erffelick tot die selve twe voorn, graff
plaetsen goeijgentende gerechticht wesen ende
blijven sullen sonder iemants contradictie ofte
wederzeggen. Allet sonder argelist in oer
kondt soe hebben wij, kerckmeisteren vursz.,
mit d' voorn: Ampts Jonckheren und Scholtis
elck onse zegel aen desen apenen brieff
gehangen ende d' selve mede onderteickent.
Geschiet binnen der Nijckerck opten XIIIIen
dach Novembris des Jaers Sestienhondert
und seven ende was onderteickent: Aernt
ten Hoeff, Loech Gerretsz., Adriaen van
Vorstenburch, Nicolaus van Delen, G. van
Curler ende bezegelt mit vijff uuijthangende
zegelen van gronen' wassche in dubbelde
fransschijnen starten.
fol. 180. Opten XX Junij 1604 hebben Aernt ten
Hoeff ende Loich Gerritss, als kerckmeijs
ters in der tijt, voer oer ende haer nae
comelingen vercofft Suster Aeltgen Brants
ein graffstede boven op het choer, daer
noertwort Geertgen Jonge Rijckts huisfrou,
oestwort die muer, westwort Suster Marry
Carsen begraven sint, des sal men dat selffde
graff binnen die tijt van tien jaren niet
moegen openen, dan nae de tijt van tien
jaren sal dat selve graff aen die kerck weder
om comen ende toe behoren. Actum ut supra.
fol. 180. Op ten XVIII Octobris 1604 is Geert Melis,
Rijckt Henrickss huisfrou boven op het
choer begraven, noertwort Gijsbert Hen
rickss, oestwort de muer, suitwort Aeltgen
Brants begraven sint op conditiën ut supra.
fol. 180verso. Opten 9 Augusti 1604 hebben Aernt ten
Hoeff ende Loich Gerritss, als kerckmeijs
ters in der tijt, voer oer ende haer nae
commelingen vercofft die erffgenamen van
Evert Coipss ein graffstede boven op het
choer, daer oestwort Nenneken Ot Her
menss dochter, suitwort die Predicants zar
rijck, noertwort Willem Aertss vrou Rijckt
gen, naest aen begraven sint, des sal men
dat selve, dat graff, bijnnen die tijt van
tien jaren niet moegen openen, dan nae die